Starfsárið

Starfsárið skiptist í haustönn frá september til janúar, vetrarönn frá janúar til mars, vorönn frá mars til júní og sumarönn frá júní til september.

 

Starfsdagar

Skipulagsdagar eru  fimm - sex á skólaárinu: Fyrsti dagurinn er fyrsti vinnudagur eftir sumarlokun. Aðrir dagar eru ákveðinn í samráði við grunnskólann og reynt er að  hafa samráð um þá.  Í maí er síðan starfsdagur í tengslum við opið hús á Arakletti sama dag.

 

​

Sérstakir dagar - siðir og venjur

 

• Nýjum gildum er fagnað á fagnaðarfundum sem eru að jafnaði seinasti föstudagur í hverjum mánuði.

• Litadagar voru nokkrum sinnum á skólaárinu. Þá koma starfsólk og börn í einhverri flík í viðeigandi lit.

• Einnig eru aðrir hinsegin dagar eins og húfudagur, náttfatadagur, hjóladagur og dótadagur.

• Alþjóðadagur Lífsmenntar 19. október.

• Fagnaðarfundur á Degi íslenskrar tungu 16. nóvember en þá er öfum og ömmum bioðið að heimsækja  börnin og lesa fyrir þau eða segja sögur og syngja með þeim.

• Jólaball er í desember. Oft ber svo við að jólasveinar birtast allt í einu með gleði, söng og dansi, færandi jafnvel gjafir og nammi.

• Þorrablót er haldir í tengslum við  bóndadaginn og  pöbbum og öfum er boðið í síðdegiskaffi á Arakletti

• Haldið er  upp á bolludag, sprengidag og öskudag, en þá er furðufataball og kötturinn sleginn úr tunnunni. Farið er í gönguferð og sungið fyrir starfsfólk fyrirtækja og aðra á förnum vegi

• Mömmum og ömmum boðið í síðdegiskaffi á Arakletti í tilefni konudagsins.

• Patreksdagurinn er grænn dagur á Arakletti og allir mæta í einhverju grænu

• Seinasti vetrardagur kvaddur og sumarið boðið velkomið í vinastund

• Sólblómadagurinn á Arakletti  29. apríl Hátíð í bæ; Börnin koma saman og syngja um vorið og sumarið. Farið í gönguferð og leiki Við hugsum til hans Tumianis og sendum honum eitthvað fallegt.

• Umhverfisdagar eru tveir: að vori og að hausti. Farið í kring um leikskólann og í nánasta umhverfi og tínt allt rusl sem við finnum, það er síðan flokkað og  talið, skráð og gengið frá. Síðan er umhverfispartí með kexi og ávaxtasafa

• Opið hús er í maí  þar sem til sýnis voru verk barnanna og þau sungu fyrir gesti.

• Í útskriftarferð elstu barnanna hefur verið farið í Skrímslasetrið á Bíldudal og í Hvestufjöru í skrímslaleit með nesti.

• Vorverkin í garðinum. Sett niður forræktað grænmeti og kartöflur. Sáning.

• Sumarhátíð leikskólans er í júní, grill, og leikir.

• Uppskeruhátíð, kartöflur eru teknar upp börnin fara heim með hluta uppskerunnar og hinar kartöflurnar eldaðar með matnum.

• Dagur íslenskrar náttúru er haldinn með gönguferð, náttúruskoðun og úrvinnslu.

• Fyrsti vetrardagur boðinn velkominn í vinastund/fagnaðarfundi

• Aðventa Íslensku jólasveinarnir, piparkökubakstur, foreldrakaffi, jólaball

• Jólin/nýárið/þrettándinn gleði og gaman!